ქართულ-გერმანული სკოლა  „სხივის“ და პარტნიორი სკოლების ორგანიზებით მართლწერის კონკურსი ინგლისურ ენაში „Spelling Bee“ ჩატარდება

ქართულ-გერმსნული სკოლა „სხივისა“ და პარტნიორი
სკოლების ორგანიზებით ჩატარდება მართლწერის კონკურსი
ინგლისურ ენაში „Spelling Bee“, რომელიც უკვე ტრადიციად
იქცა და წელს მეშვიდედ გაიმართება.
კონკურსის მიზანია ინგლისური ენის სწავლების პროცესის
და ინგლისურის შესწავლისადმი მოტივაციის გაუმჯობესება.
ინგლისური ენის სპეციფიკიდან გამომდინარე, სიტყვების
მართლწერა და წარმოთქმა ერთმანეთს არ ემთხვევა, ამიტომ
აუცილებელია, ბავშვებს გამოუმუშავდეთ უცხო სიტყვათა
სწორად წერისა და წარმოთქმის უნარი.
„Spelling Bee“ არის საგანმანათლებლო კონკურსი, რომელშიც
მონაწილეობის მიღება შეუძლიათ IV-XII კლასის საჯარო და კერძო
სკოლის მოსწავლეებს, ისინი განაწილდებიან სამ ასაკობრივ
კატეგორიაში:
I ჯგუფი- IV-VI კლასის მოსწავლეები;
II ჯგუფი- VII-IX კლასის მოსწავლეები;
III ჯგუფი-X-XII კლასის მოსწავლეები;

კონკურსში მონაწილეობის მიღება უფასოა.
ყოველ ასაკობრივ კატეგორიაში I, II და III ადგილზე გასული
გამარჯვებული მოსწავლეები დაჯილდოვდებიან სიგელებითა
და ფასიანი საჩუქრებით.
მონაწილე ბავშვებს გადაეცემათ სიგელები.
კონკურსი იყოფა ორ ეტაპად:

შიდასასკოლო ტური, გაიმართება ქართულ-გერმსნული
სკოლა „სხივში“ 2020 წლის 27 -სა და 28 თებერვალს 14:00
საათზე .

განრიგი:
27 თებერვალი 14:00 საათზე .
I ჯგუფი- IV-VI კლასის მოსწავლეები;
II ჯგუფი- VII-IX კლასის მოსწავლეები;

28 თებერვალი 14:00 საათზე .
III ჯგუფი-X-XII კლასის მოსწავლეები;

ფინალური ტური კი ჩატარდება 2020 წლის 6 მარტს 12.00
საათზე ტრადიციულად შავი ზღვის საერთაშორისო
უნივერსიტეტში (საკონფერენციო დარბაზი).